Царква ў імя архангела Міхаіла пабудавана з дрэва ў 1999 г. на месцы папярэдняга драўлянага храма 19 ст. Твор архітэктуры ў стылізаваных формах старажытнарускага царкоўнага дойлідства. Вырашана па канону 4-часткавага праваслаўнага храма падоўжна-восевай аб'ёмна прасторавай кампазіцыі: 2-ярусная (васьмярык на чацверыку) званіца над прытворам, працяглая прамавугольная ў плане малітоўная зала, 2-схільны дах над якой завершаны цыбулепадобным купалам на 8-гранным барабане. 2-слуповы ганак завершаны 3-лопасцевым франтонам.
Трайныя прамавугольныя аконныя праёмы на бакавых фасадах дэкарыраваны трохвугольнымі сандрыкамі і адзначаны такімі ж зломамі даху.
Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.
Адрес: 225884, Кобринский районн, п/о Онисковичи, село Бородичи.
Телефон: +375 (1642) 6-57-55
Наши проеты: Туристический Кобрин | Познай Кобрин Все права защищены © 2011-2017. Все изображения защищены их правообладателями. При копировании материалов активная ссылка на http://ikobrin.ru обязательна.